Guvernatori i Bankës së Shqipërisë Gent Sejko në një konferencë për mediat ka folur lidhur me rënien e shpejtë dhe të euros gjatë javëve të fundit.
Gent Sejko thotë se kjo situatë do të zgjidhet duke blerë valutë në treg. Sejko ka thënë se ka patur një rritje të sasisë së euros në treg.
Megjithatë Guvernatori i Bankës së Shqipërisë ka deklaruar se ekonomia është në rritje progressive dhe inflacioni ka rënë.
Sipas kursit zyrtar të Bankës së Shqipërisë, një euro u këmbye sot me 124.42 lekë, me një rritje relativisht të fortë prej 0.25 lekësh në krahasim me ditën e mëparshme.
“Këshilli Mbikëqyrës vlerëson të nevojshëm lehtësimin e politikës monetare. Ky vlerësim është në konsistencë të plotë me qëndrimet tona të mëparshme. Në këtë këndvështrim, Këshilli vendosi të ulë me 0.25pikë përqindje të normës bazë të interesit duke e çuar në masën 1%. Këshilli Mbikëqyrës vendosi ndërmarrjen e operacioneve të blerjes së valutës në tregun e brendshëm valutor. Operacioni i blerjes së valutës do të eliminojë tepricën e valutës në treg, dhe forcimin e kursit të këmbimit”, tha ndër të tjera ai.
(B.H/Faxweb)
Discussion about this post