Një ngjarje e rëndë ndodhi mbrëmjen e djeshme në Durrës, ku burri qëlloi me sende të forta gruan e tij duke e lënë të vdekur.
Nga burimet e policisë bëhet me dije se Çlirim Shaholli 42 vjeç, qëlloi me sende të forta bashkëshorten Adriana Shaholli 40 vjeçe, e cila vdiq nga plagët e marra.
I pyetur nga policia se në çfarë rrethanash ndodhi ngjarja Çlirim Shaholli ka deklaruar se ishte një debat i zakonshëm dhe nuk e mendote se e ndjera do të vdiste.
“U zumë siç zihemi gjithnjë. Unë e shtyva dhe ajo më shtyu dhe në një moment ajo humbi ekuilibrin dhe ra në tokë, ku ju ça koka. Nuk e di si ndodhi. Ende nuk e besoj që ajo ka vdekur”, ka deklaruar në gjendje shoku bashkëshorti 42-vjeçar.
Kujtojmë se gruaja e tij mbërriti në spitalin e Durrësit me një plagë në kokë, ku dhe humbi jetën pak minuta më vonë.
Sipas plocisë dhe bluzave të bardha plagët e marra në kokë kanë qenë si pasojë e një goditje me sende të forta. (E.V/Faxweb.al)
Discussion about this post