Juristi Çlirim Gjata i ftuar në ‘Fax Neës’ ka thënë se vendimi Kolegjit të Posaçëm i Apelimit që Adriatik Llalla të mos i nënshtrohet vetingut është i ligjshëm.
“Politika të mos ndërhyjë në organet e vetingut, venddimi për Llallën kushtetues. Nëse jep dorëheqjen ndërpritet procesi i vetingut”, tha Gjata.
Ai deklaroi se nenin që ai që dorëhiqej nuk I nënshtrohej vetingut e kishte kundërshtuar në atë kohë por tani që është miartuar duhet ta zbatojmë.
“E gjithë kjo zhurmë ishte se politika nuk rri pa futur hundët. Kur është miratuar refroma në drejtësi, ligji për vetingun, unë kam deklaruar se ka një nen hipokrit që kush jep dorëheqje përjashtohet nga vetingu, pra ai gjyqtar që ka shitur drejtësi, ka bërë korrupsion mjafton të dorëhiqet dhe shpëton, në vend që të ndiqet penalisht”, tha Gjata.
Juristi u shpreh se gjyqtarët janë të terrorizuar dhe përpiqen që të jenë në anën e qeverisë për ti shpëtuar vetingut.
“Gjyqtarët janë të terrorizuar se kanë frikën e vetingut, mendojnë të shpëtojnë duke i dalë në krah qeverisë. Ne kemi ngelur pa institucione të drejtësisë, është në kolaps.
Edhe në 97 maksimumi 1 muaj kanë ngelë pa punë gjyjkatat, çfarë bëhet kështu? Të paktën të kishte mekanizma të përkohshëm.
Nuk po shohim dritë në fund të tunelit, politika po e përdor vetingun si preison, nga njëra anë si pozitivitet gjoja për negociatat, megjithëse vështirë duket të hapen dhe në anën tjetër për të kapur drejtësinë. Këta të ulen të hartojnë një tjetër kapitull kalimtar në kushtetutë. Duhet kompromis politik. Ndërtim institucionesh kalimtare deri sa të mbarojë vetingu”, tha Çlirim Gjata.
Intervista e plotë:
(B.H/Faxweb)
Discussion about this post