Regjizori Robert Budina i ftuar në ‘Fax News’ për të folur në lidhje me çështjen e Teatrit Kombëtar ka deklaruar se kushti për të hyrë në negociata me qeverinë në lidhje me Teatrin Kombëtar është që të hiqet dorë nga projektligji aktual.
Budina tha se në dëgjesën me kryebashkiakun Veliaj nuk kishte negociata pasi ai kishte ardhur për të diskutuar mbi bazën e projektligjit actual, ndërsa kërkohëet rrëzimi tij pasi grabit truallin e Teatrit Kombëtar.
“Ne kërkojmë rrëzimin e projektligjit krejtësisht, vetëm në atë moment futemi në negociata, kurse ato pranojnë negociata për projektligjin, ne jemi për të mos e dhënë tokën e Teatrit.
Ajo që më bëri përshtypje është dhe dorëzimi i opozitës, protesta ka mbetur rruga e vetme pasi edhe dhe nëse e çojmë në Kushtetuese nuk kemi gjykatë.
Projektligji po bëhet për të marrë tokën e Teatrit.
Ne kemi një ligj për Teatrin gati dhe shumë shpejt do ta paraqesim. Gramoz Ruçi na ka thënë se do ti japë prioritet projektligjit tonë nëse Ministria e Kulturës nuk e merr parasysh. Por ky projektligj i ministrisë duhet të bjerë. Veliaj nuk u tërhoq nga projektligji, këtu nuk ka më negociata”, tha Budina, i cili theksoi se protesta në mbrojtje të Teatrit Kombëtar do të vazhdojë.
Intervista e plotë:
(B.H/Faxweb)
Discussion about this post