Gjirokastër, u premtoi se do ti transportonte në Tiranë, 25-vjeçari zbret në mes të rrugës dy shtetasit e huaj

Policia e Gjirokastrës ka ndaluar shtetasin Laert  Zisi, 25 vjeç, banues në fshatin Tërbuq, Gjirokastër.

Ndalimi i këtij shtetasi u bë pasi ky shtetas ka përfituar me anë të mashtrimit një sasi të hollash, duke iu premtuar dy shtetasve të huaj nga vendet e treta, se do ti transportonte në Tiranë me automjetin e tij  kundrejt një fitimi prej 100 Eurosh secili.

Ky shtetas pasi i’u ka marrë paraprakisht 100 Euro i ka zbritur nga automjeti në afërsi të “Urës së Subashit” ku janë gjetur e  shoqëruar pranë DRKM Gjirokastër nga shërbimet e Policisë.

– Në cilësinë e provës materiale u sekuestrua mjeti tip “Seat Ibiza”

Materialet në ngarkim të këtij shtetasi do ti kalojnë Prokurorisë pranë Gjykatës së Shkallës së parë Gjirokastër për veprime të mëtejshme, për veprën penale të parashikuar nga neni 143/2 i Kodit Penal.

(M.Q/Faxweb)