Ka nisur me përplasje seanca e sotme në Komisionin e Medias dhe të Edukimit, ku është parashikuar që të mbahet një dëgjesë për Teatrin Kombëtar.
Në seancë është paraqitur kreu i Bashkisë së Tiranës Erion Veliaj, edhe pse sipas kryetares së Komisionit Albana Vokshi, dëgjesa me të ishte parashikuar për nesër.
Veliaj ka marrë fjalën dhe ka ofenduar direkt Vokshin, duke i thënë se nëse do të ndjekë pasionin si aktore të shkojë dhe të bëjë audicionet.
Duket se kjo situatë ka nxehur më së shumti aktorët dhe regjisorët e Teatrit, ku në mënyrë demonstrative regjisori Robert Budina ka vendosur që të largohet në mënyrë demonstrative nga salla. Në ekran nuk dëgjohet se çfarë thotë Budina, po duket se inatin e ka me të gjithë përfaqësuesit e politikës.
Pjesë nga debati:
Veliaj: Po bën ti Teatër, për aktore shko bëj audicion
Vokshi: Të kanë sjellë për të bërë zhurmuesin
Veliaj: Erdha për respekt dhe tani më thua ik, se ke frikë
Vokshi: Unë nëse dua mund të të nxjerr jashtë nga mbledhja, këtu jam unë kryetare
Veliaj: Je kryetare, jo kryegjyqtare. Gënjeni për Teatrin. Ti do të qetësohesh dhe do të kuptosh punët e mira që janë bërë në Bashkinë e Tiranës
Vokshi: Për çfarë ke ardhur
Veliaj: Të gjithë deputetët e PD-së i ke tani duke pirë kafe te Pazari i ri
(E.K/FAXWEB.AL)
