Ideja për ngritjen e kampeve të refugjatëve mbërrin zyrtarisht në tryezen e BE. Presidenti i Këshillit Europian Donald Tusk propozon të ashtuquajturën “platform rajonale te zbarkimit”, ndërsa mediat përmendin si vende të mundshme Shqiperinë dhe Tunizinë.
Ideja e kryeministrit danez dhe kancelarit austriak kurz për ngritjen e kampeve te refugjateve jashtë kufijve të europës po mbështetet edhe nga krerët e BE-së, të cilët propozojnë të ashtuquajturat platforma të zbarkimit.
Është presidenti i Këshillit Europian Donald Tusk që propozon që krerët e BE-së të krijojnë “platforma rajonale të zbarkimit” jashtë Bashkimit Evropian, ku mund të dallohen qartë ndryshimet ndërmjet refugjatëve që kanë nevojë për mbrojtje dhe emigrantëve ekonomikë, të cilët potencialisht do të përballen me kthimin në vendet e tyre të origjinës.
Koncepti i platformës së zbarkimit sipas zyrtareve do zbatohet ne baskëpunim me OKB dhe dhe Organizatën Ndërkombëtare për Migrim (IOM)..Politico.eu shkruan se vendet më të perfolura ku mund të ngrihen këto kampe janë Shqipëria dhe Tunizia, por zyrtarët e BE thonë se është shumë shpejt të spekullohet me emra konkretë.
Ideja për të krijuar kampe të tilla u sugjerua në vitin 2016 nga kryeministri hungarez Viktor Orbán, kritiku më i fuqishëm i politikave të BE-së për migracionin – veçanërisht në zhvendosjen e refugjatëve anembanë Evropës.
Por ideja është përkrahur së fundi edhe nga Presidenti francez Emmanuel Macron ndërsa Ministri i Jashtëm italian Enzo Moavero tha se Italia dëshiron ta vendosë zyrtarisht idenë në tavolinë në samitin e Këshillit Evropian. Tusk do të zhvillojë takime zyrtare të enjten në Itali – një nga vendet kufitare më të prekura nga ardhja e emigrantëve dhe refugjateve.
Discussion about this post