Ndërkohë që PD dhe Basha ka bllokuar seancën parlamentare, deputeti I LSI-së Luan Rama I është drejtuar kreut të Kuvendit Gramoz Ruçi që të vërë rregull në Kuvend pasi kjo që po ndodh është e papranueshmë dhe e patolerueshme.
Rama i cili tha se fliste si deputet por edhe në emër të Grupit Parlamentar, theksoi se kjo sjellje është një arsye që Shqipërisë të mos i hapen negociatat.
“Kjo shfaqje është e shëmtuar, ky degradim është një arsye më shumë se përse Shqipëria nuk e meriton çeljen e negociatave.
Unë kam një vërejtje për ju zoti kryetar i Kuvendit, Kuvendi ka disa javë që është kthyer në formalitet. Parlamentarizmi si institucion është kthyer në shëmbëlltyrë mediokriteti. Unë jam gati të flas por në kushtet kur foltorja është e zënë e kam të pamundur”, tha ndër të tjera Rama.
Nga ana tjetër kryetari i Kuvendit Gramoz Ruçi u shpreh se kishte të drejtë duke uruar që kjo të jetë kuptuar nga pushtuesi i foltores Lulzim Basha.
“Uroj dhe shpresoj që qëndrimi juaj i drejtë dhe konstruktiv të jetë i kuptuar nga pushtuesi Ii foltores së Parlamentit”, tha Ruçi. (B.H/Faxweb)
Discussion about this post