Kë të besojmë Endri Fugën apo zëdhenësin e qeverisë austriake?! Deklaratat kontradiktore për refugjatët

Vijojnë të jenë të nxehta reagimet lidhur me mundësinë se Shqipëria mund të bëhet vend pritës për 600 mijë emigrant sirianë.

Nga ana e qeverisë Shqiptare jo vetëm që mohohet kategorikisht mundësia, po thuhet se nuk ka pasur në asnjë moment negociata.

Krejt të kundërtën ka deklaruar zëdhenësi i qeverisë austriake Peter Launsky-Tieffenthal. Ai tha për DË se bisedimet rreth qendrave të tilla janë aktualisht duke u zhvilluar me Shqipërinë dhe vendet e tjera.

Këtë gjë e ka mohuar kategorikisht për DW, këshilltari për mediat i kryeministrit Rama, Endri Fuga. Ai ka deklaruar se nga qeveria shqiptare nuk ka pasur asnjë negociatë të tillë.

Ajo që na bën të jemi në mëdyshje është fakti se çfarë interesi ka Austria që të shpikte një plan të tillë që me Shqipërinë po negociohet, sa kohë që nga qeveria shqiptare mohohet kategorikisht mundësia.

Që prej nisjes së këtij diskutimi, Austria ka parë si vendin më idealë për strehimin e refugjatëve Shqipërinë. Kjo është thënë edhe në takimin që Rama ka pasur me kancelarin Kurz, i cili premtoi mbështetje për Shqipërinë.

Po pse Shqipëria mund të shihet si një vend favorit sipas DW:

Shqipëria ndodhet përgjatë rrugës së migracionit ballkanik dhe në Mesdhe, ku shumica e azilkërkuesve arrijnë.

Porti i Durrësit ka kapacitet të regjistrojë dhe të strehojë një numër të madh individësh që përpiqen të kalojnë detin dhe pastaj të shoqërohen në Shqipëri me anije nga agjencia kufitare Frontex.

Për shkak se në Shqipëri, individët që nuk kanë të drejtën e azilit mund të riatdhesohen, ndërsa ata në nevojë do të marrin azil do të shpërndaheshin në të gjithë BE-në.

Vendi ka disa përparësi nga perspektiva e BE-së. Ai nuk është anëtar i bllokut, që do të thotë se rregullat e Shengenit që garantojnë kufijtë e hapur nuk zbatohen. Dhe po ashtu, Shqipëria nuk është palë në marrëveshjen e BE-së të Dublinit që përcakton udhëzimet për procesin e azilit.

(E.K/FAXWEB.AL)