Burime të ‘’Faxweb.al” bëjnë me dije se janë arrestuar katër shtetas lidhur me Tojotën me miliona euro që u kap dje në Durrës.
Kështu personat që janë arrestuar janë: Alban Mollaymeri (biznesmeni që do merrte makinat), Agim Çeka,(shoferi i kamionit) Edi Lika dhe Klevi Lika (babë e bir, pronar të një servisi që kryente dhe transport ndërkombëtar mjetesh).
Po ashtu janë të shpallur në kërkim dhe dy persona të tjerë, të cilët policia i identifikon me inicialet A.I dhe E.I.
Po kush është Alban Mollaymeri dhe aktiviteti i tij i biznesit:
Ky biznesmen rezulton të ketë dy nipte për biznesin e tij, që së fundi është zgjeruar në aktivitet, nga servis në shërbime dhe riparime mjetesh. Ai mësohet se ka qenë porositësi i 7 mjeteve që mbërritën në portin e Durrësit gjatë ditës së djeshme.
Ajo që bie në sy në të dhënat e biznesit të Mollaymerit, është fakti se përkon koha e zgjerimit të biznesit të tij (fundi i vitit 2017), me zgjerimin me transport ndërkombëtar të mjeteve dhe të aktivitetit të biznesmenit tjetër Edi Lika. (fillimi i janarit 2018)
Pikat e servisit të Mollaymerit rezultojnë të jenë të vendosura në zonën e Fabrikave të Tullave në Laprakë.
Të gjithë shtetasit e arrestuar ishin me banim në Tiranë, dhe sipas policinë në bashkëpunim me njëri tjetrin këta persona kanë sjellë Tojotat në portin e Durrësit.
Po ashtu Policia ka dhënë dhe shifrën zyrtare të parave të gjetura, që janë rreth 3.4 milionë euro dhe një sasi prej 80 mijë eurosh franga zviceriane.
Po ashtu katër personave të arrestuar u janë gjetur dhe amrë e tipit kallashnikov, një radio policie si dhe 7 paisje celulare.
Personat e arrestuar akuzohen për veprat penale si më poshtë: ‘’pastrim i produkteve të veprës penale kryer në bashkëpunim”, ‘’mbajtje pa leje armësh”, si dhe ‘’falsifikim të monedhave”.
(E.K/FAXWEB.AL)
Discussion about this post