Kreu i Grupit Parlamentar të LSI-së Petrit Vasili ka reaguar pas deklaratës së ambasadores së BE-së Romana Vlahutin e cila deklaroi se nuk do të ketë kamp refugjatësh në Shqipëri.
Vasili thotë se Vlahutin gjithnjë flet pas Ramës dhe thotë të njëjtat gjëra që thotë kryeministri.
“Kush e beson? Askush”, shkruan ndër të tjera Vasili. Kreu i Grupit Parlamentar të LSI-së thotë se kur deklarimet për refugjatët vijn nga 4 anët, Vlahutin e mohon, ndërsa pyet “Pse nuk hesht xhanëm?”
Postimi i plotë:
Po si mundet te besohet Vllahutin kur flet per refugjatet ?Pse nuk hesht xhanem.
Vllahutin foli nga Shkodra per refugjatet.
Gjithmone ajo flet pasi flet Edi Rama dhe gjithmone thote te njejtat gjera si ai.
Kush e beson?Askush.
Gjermania thote me gojen plot na i kerkuan vete shqiptaret refugjatet. Vllahutin thote jo.
Deklarimet per refugjatet vijne nga te kater anet,nga Brukseli nga Franca etj etj Vllahutin prap thote jo.
Kryeministri bullgar flet per ish-at e ISIS ndersa Vllahutin thote jo.
Pse nuk hesht xhanem?
Sepse po kjo Vllahutin na tha me gojen plot qe 99% e droges ishte asgjesuar,se krimi i organzuar po luftohej me rezultate mbreselenese,se reforma ne drejtesi po fluturonte gjithashtu.
Ndersa sot keto “suksese” te medha qe lane pa goje Vllahutinin, jane kushtet kryesore, qe pengojne hapjen e negociatave.
Vllahutin nuk di te heshte.
Por sot ajo flet me vehten e saj,pasi askush nuk e degjon dhe aq me pak ta besoje.
Ka ardhur koha per te ikur,bile sa me pare dhe ne ne heshtje bile, sepse cdo fjale me tej eshte thjesht zhurme,murmurime faji dhe asgje me shume.
Shqiptaret duhet ti fshijne nga memoria ata te cilet i kthyen vuajtjet e tyre ne perfitime dhe perspektiven e integrimit ne nje rruge te erret dhe ne nje enderr te ndaluar.
(B.H/Faxweb)
