Policia italiane ka bërë të mundur arrestimin e një 57- vjeçari shqiptar, pasi ky i fundit tentoi të qëllonte me armë të birin pasi kishte dhunuar dhe gruan.
Gruaja e cila dhunohej sistematikisht nga burri për shkak se ky i fundit ishte xheloz, njoftoi në kohë policinë duke shmangur një tragjedi të mundur në orët e vona të natës.
Kur mbërritën në banesën e çiftit në Villa Romana, karabinierët e gjetën shqiptarin e identifikuar vetëm me iniciale V.F në gjendje të rënduar pasi kishte konsumuar alkool.
Gjatë kontrollit, përveç armës së përdorur në drejtim të të birit, ata gjetën edhe 5 pistoleta të tjera, dy prej të cilave të modifikuara, disa karikatorë, rreth 70 fishekë të kalibrit të ndryshëm.
57-vjeçari, i cili në të shkuarën ishte denoncuar për keqtrajtim në familje dhe mbajtje abuzive të armëve, tashmë akuzohet për tentativë vrasjeje në dëm të djalit të tij, dhe armëmbajtje pa leje.
Discussion about this post