Kryeministri Edi Rama ka dalë në një konferencë për shtyp, një ditë pas lajmit për shtyrjen e negociatave me Shqipërinë në BE.
“Kjo zgjidhje nuk na humbet 12 muaj, por na jep 12 muaj kohë. Dy fjalë për kushtet trumpetuara nga opozita. E vërteta është që nuk ka kushte të reja për të marrë datën e negociatave. Pro ka një datë që është e kushtëzuar me zhvillimin e reformave që po vijojnë. Deri në hapjen e fundit përpara firmës së antarësimit, është i lidhur me përmbushje kushtesh për të qenë anëtarë të BE-së.
Ajo që nuk do të jetë e thjeshtë është pjesa e brendshme. Do të kemi një takim të zgjeruar në Ministrinë për Europën dhe Punët e Jashtme. Falenderoj miqtë e mëdhenj që na ndihmuan kaq shumë.
Jam ndjerë shumë mirë se Shqipëria ka gjetur dhe ka bërë disa miq shumë të mirë dhe të vërtetë të cilët nuk u mjaftuan vetëm me fjalë të mira por luftuan me këmbëngulje për të mos e lënë anijen tonë pa një datë ankorimi. Që nga Merkel e cila ma bërë të qartë që në takimin në Berlin se do të jenë muaj të vështirë, po ajo do të ishte në krah. Marcron ma tha troç se për të ishte tejet e vështirë të thoshte po për një datë, por më premtoi se në respekt të reformave të qeverisë sonë, do të mundohej për një zgjidhje.”
Gjatë fjalës tij, kryeministri Edi Rama ka falënderuar kryeministrat dhe ministrat e vendeve që sipas tij mbështetën Shqipërinë në caktimin e një date për hapjen e negociatave, por edhe ata të BE-së.
“Falënderoj fqinjët greke e italianë, qeveritë e tyre jo vetëm na mbështetën por na përfaqësuan në mungesë. S’është aspak pavend, por me detyrimin falënderimi për ministrat e këtyre vendeve për atë që bënë në këshillit evropian. Faleminderit kryeministrit Cipas dhe Conte me të cilët mezi pres të takohem”, tha Rama.
(M.Q/Faxweb.al)
Discussion about this post