Pavarësisht vëndimit të Gjykatës së Apelit Administrativ e cila iu dha të drejtë banorëve të Tropojës dhe pezulloi punimet për ndërtimin e HEC-eve, kompania ‘Gener 2’ nuk i ka ndalur punimet.
Në videot e realizuara nga banorët duket betonierja dhe eskavatorët e firmës që vazhdojnë qetësisht punën, ku duket qartë dhe dëmtimi i madh që i është shkaktuar mjedisit.
Vazhdimisht kalojnë kamiona të ngarkuar në maksimum me inerte, ndërsa në pamje duket edhe kantieri ku kryhen punimet dhe shkatërrimi i faqes së malit duke zbritur tubat ku synohet të futet lumi i Valbonës.
Ndërkohë që në këtë zonë para disa javësh kanë plasur dhe minat, duke shkaktuar dhe irritimin e banorëve të cilët u ngritën në protestë.
Por siç shihet dhe nga pamjet punimet kanë avancuar me ritme të shpejta dhe vendimi I gjykatës nuk është përfilluar aspak nga kompania.
(B.H/FaxWeb)
Discussion about this post