Ema Andrea është një aktore me një karrierë të gjatë në Shqipëri. Ajo është dashur por edhe është gjykuar pasi ka zgjedhur të jetojë e drejtpërdrejtë dhe pa komplekse.
E ftuar në emisionin “Pop culture”, ajo ka rrëfyer për jetën e saj dhe si gjithmon nuk ka harruar pa sjellë në kujtesë vitet që ka jetuar në komunizëm.
“Në atë kohë jam penalizuar që kam qenë e drejtë edhe që kam qenë e bukur. E bukura gjithmonë paragjykohet sepse është mendja e mbyllur jo se ndërgjegjja nuk e do të bukurën”,-ka treguar Ema.
Gjithashtu ajo ka treguar se kur ka qenë në moshën 16-17-të vjeçare, ka dashur shpeshherë të largohet nga Shqipëria edhe pse asnjëherë nuk ka mundur.
“E kam menduar që 16-17 vjeç të largohem nga Shqipëria. Gjithmonë kam dashur të largohem, por në një moment u dorëzova sepse ky vend gjente gjithmonë motiv për të më mbajtur, gjithmonë dilte një projekt. Ky vend më ka zgjedhur dhe e kam zgjedhur për një motiv”,-ka thënë Ema.
(E.T/Faxweb.al)
Discussion about this post