Në ndeshjen e mbrëmshme kundër Uruguait skuadra e Portugalisë pësoi humbjen e cila i kushtoi eliminimin nga Botërori. Edhe pse luajtën fort, ata nuk ia dolën të fitonin.
Pas përfundimit të ndeshjes u vu re trishtimii i kapitenit të skuadrës, Ronaldo.
Mbyllja e këtij Botërori vë në pikëpyetje vazhdimësine e tij me përfaqësuesen për një tjetër edicion pas katër vitesh.
Në deklaratën e tij kapiteni i Portugalisë ka folur për kompeticionin.
“Kemi luajtur më mirë sesa Uruguai, por për fat të keq ata shënuan më shumë. Donim shumë që të fitonim dhe të vijonim më tej, skuadra u përpoq dhe bëri maksimumin për këtë, por nuk ia dolëm. Pavarësisht humbjes, ne ikim me kokën lart nga ky Botëror. Unë jam krenar që jam kapiten i Portugalisë. Në këtë skuadër ka një punë grupi fantastike dhe është një skuadër që funksionon në mënyrë perfekte. Nuk është çfarë donim në total, por kam mbetur i surprizuar nga ky kompeticion në aspektin pozitiv. Ishte organizim i mirë dhe e kam shijuar. Përgëzime për Uruguain. Për të ardhmen flas në fund të Botërorit”, deklaroi Ronaldo.
(E.T/Faxweb.al)
Discussion about this post