‘Plas’ racizmi me afrikanët dhe komunitetin LGBT, skandalizohet fushata elektorale

Partia Social-Demokrate e Punëtorëve në Letoni ka skandalizuar opinionin publik me foton që ka zgjedhur për fushatën elektorale.

Përmes fotos raciste, ku një burrë me ngjyrë me veshjet e fiseve afrikane dhe pasaportë të BE-së në dorë është përkrah një gruaje të bardhë që i jep gji një bebeje me ngjyrë, partia paralajmëronte qytetarët se çfarë do ndodhë me  vendin nëse nuk i votojnë.

Përveç çiftit me racë të përzier, vizatimi ka dhe flamurin me ylber të komunitetit LGBT në sfond.

Por pas kritikave të shumta, në fund partia e fshiu foton nga rrjetet shoqërore. Mësohet se personi që e postoi, është përjashtuar nga partia.

Ndërkohë vetë Partia Social-Demokratike e Punëtorëve nuk ngurroi t’i kërkojë ndjesë njerëzve që janë ndjerë të prekur, duke mohuar kategorikisht që kishte lidhje me racizmin.

(J.D/Faxweb)