Ish trajneri i futbollit i djemve dhe ndihmësi i trajnerit Newcastle United George Ormond është shpallur fajtor për kryerjen e 36 akuzave për abuzim seksual kundër 18 viktimave gjatë një periudhe 24-vjeçare midis 1973 dhe 1997, shkruan ‘The Guadian’.
Juria, që dëgjoi dëshmi nga 50 dëshmitarë gjatë gjyqit gjashtë javor në gjykatën e kurorës Neëcastle, morën dy ditë për vendimet.
Ormond, i cili u përshkrua si një “pedofil grabitqar” nga policia Northumbria, kreu krimet kur ai ishte një trajner i shquar në klubin e djemve nga viti 1973 dhe nga viti 1993 deri në 1997.
Viktimat, u paraqitën në polici dhe dhanë dëshmi në gjyq për abuzimin e ish-trajnerit.
Disa prej tyre ia plasën të qarit ndërsa jepnin dëshmi, të gjithë thanë se nuk i kishin treguar askujt për vite me radhë për abuzimet që kishin vuajtur. Shumë thanë se kishin ndjerë turp dhe ishin të shqetësuar se do të talleshin dhe nuk do të besonin. Ata thanë se ishin të frikësuar nga fuqia dhe ndikimi që Ormond përdorte për perspektivat e tyre për karrierën në futbollin profesionist.
Njëri prej tyre tha se Ormond e paralajmëroi atë për të heshtur, duke i thënë: “Unë kam ëndrrat tuaja në dorën time. Nëse thoni diçka, unë do t’i shtyp. ”
(B.H/Faxweb)
