Deputeti Boçi: Po sorrollasin studentët që duan të studiojnë në BE, qeveria i sheh si klientë që po ikin

Luçiano Boci deputeti I PD-së ka reaguar në një status ne facebook për maturantët që kërkojnë të ndjekin studimet në vendet e BE-së.

Ai thotë që shqetësimi vjen nga vetë prindërit që kërkojnë të regjistrojnë fëmijët e tyre në Gjermani, ku afati i fundit është më 15 korrik dhe zyrtarët e Ministrisë po i sorollasin duke u djegur çdo mundësi regjistrimi.

Stausi i plotë:

MINISTRIA E ZBORIT ME MATURANTËT
Ministria e arsimit sorrollat paturpësisht maturantët që kërkojnë të ndjekin studimet në vendet e BE. Kalvari nuk mbaron. Nga Ministria e Arsimit në DAR, nga DAR tek Ministria e Jashtme e pastaj përsëri prapakthehu. Tamam zbor.

Shqetësimi vjen nga vetë prindërit që kërkojnë të rregjistrojnë fëmijët e tyre në Gjermani.
Afati i fundit është data 15 Korrik dhe zyrtarët e Ministrisë kërkojnë të dështojnë dëshirën e maturantëve.

Qëllimi i ministrisë është banal. 
I shohin si klientë “me lekë” që “paguajnë” e kësisoj të mund t’i devijojnë drejt “të akredituarve” me….aspirina!

Ministrisë së falimentuar të arsimit i kërkojmë të mos pengojë së paku prindërit të realizojnë dëshirën e tyre por dhe dhimbjen e tyre njëkohësisht, për
largimin nga e keqja që e ka kapluar këtë vend, të fëmijëve të tyre.