Është ndëprerë operacioni i shpëtimit të fëmijëve në Taijlandë. Ekipet e shpëtimit kanë nxjerrë deri më tani nga shpella 8 fëmijë, ku kanë mbetur që nga data 23 qershor.
Aksioni pritet të nis brenda dhjetë apo njëzet orëve të ardhshme. Trajneri dhe 5 futbollistë të tjerë kanë mbetur ende në shpellë dhe po punohet për ti nxjerrë.
Për shpëtimin e tyre janë angazhuar zhytës ndërkombëtarë dhe vendas. Ndërkohë që terreni është mjaft i vështirë për shkak të ngushticave të shpellës.
Djemtë e moshës nga 11 deri në 16-vjeçare dhe trajneri i tyre ishin duke shikuar shpellën më 23 qershor kur janë bllokuar nga një shi i rrëmbyeshëm.
Ende nuk është bërë publik ndonjë informacion rreth identitetit të personave të shpëtuar, mirëpo sipas disa raportimeve, trajneri mund të ketë qenë në mesin e personave të shpëtuar.
Ministri i Brendshëm i Tajlandës, Anupong Paojinda, ka thënë që personat e shpëtuar janë të fortë dhe të sigurt, mirëpo duhet të kryejnë kontrolle mjekësore.
Paojinda ka thënë se të njëjtit zhytës do të marrin pjesë edhe në operacionin e radhës, pasi ata janë më të familjarizuar me kushtet e shpellës.
