De Bruyne: Ky futbollist është më i rrezikshmi nga skuadra e Francës, ai është një yll për 15 vitet e ardhshme

Sonte në orën 20:00 është ndeshja gjysmëfinaliste e Kupës së Botës ku Franca dhe Belgjika do të përballen me njëra-tjetrën për të kaluar në finale.

Në një konferencë para ndeshjes ylli I Belgjikës Kevin de Bruyne thotë se Belgjika duhet të ketë kujdes nga sulmuesi i Francës, Kylian Mbappe.

Ai ka thënë se ylli i Paris Saint-Germain mund të jetë rreziku kryesor, në duelin e tyre në gjysmëfinalen e Botërorit 2018.

“Mbappe paraqet rrezik të madh”, deklaroi De Bruyne.

“Ai është një yll për 15 vitet e ardhshme. Ai ka pasur një vit fantastik – ai madje mund të përmirësohet”, ka shtuar belgu. (B.H/Faxweb)