“Ronaldo zgjodhi Juventusin, gjithçka filloi kur blemë Cancelon”

E konsideruar si transferimi i shekullit, për Ronaldon po përgatitet një mirëpritje e madhe ditën e hënë që do të zbarkojë në Torino, ku do të prezantohet si lojtari i Juventus.

Në një intervistë për “Corriere della Sera” drejtori sportiv i Juventus, Beppe Marotta ka theksuar se ka qenë vetë dëshira e lojtarit për të kaluar në Torino.

“Ishte një goditje e shkëlqyer e klubit, jam i lumtur, shumë i lumtur. Protagonistët e vërtetë të këtij transferimi janë vetë lojtari dhe aksionarët e Juventusit. Cristiano Ronaldo ishte i pari që besonte në këtë operacion, i pari që e lançoi atë, ai zgjodhi Juventusin.

Pas tij kemi kuptuar se mund ta shfrytëzojmë këtë mundësi, aksionerët e klubit kanë rënë dakord ta mbështesin këtë sipërmarrje. Unë insistoj, ishte një goditje e shkëlqyer e klubit. Gjithçka filloi kur kemi filluar të merremi me marrëveshjen e Cancelo, i cili ka të njëjtin menaxher të Ronaldos, dmth Mendes”,ka thënë Marotta.