Presidenti Ilir Meta është takuar ditën e sotme me homologen e tij presidenten kroate Grabar Kitarovic.
Gjatë një konferencës të përbashkët për shtyp Presidenti Meta u pyet nga gazetarët për reformën në Drejtësi dhe rrezikun se Gjykata e Lartë dhe Gjykata Kushtetuese do të mbeten pa antarë.
“Sa i takon disa çështjeve që kanë të bëjnë me vazhdimin e reformës në drejtësi e cila është një reformë shumë madhore dhe komplekse. Dua të siguroj të gjithëve për përmbushjen e detyrimeve ligjore që ka presidenti.
Dhe po kështu më duhet të theksoj rëndësinë e bashkëpunimit midis qeverisë dhe opozitës, për të tejkaluar çdo mement të vështirë apo të paparashikuar i cili mund të vërë në vështirësi funksionimin e institucioneve të drejtësisë, krijimin e institucioneve të reja aq të domosdoshme në mënyrë që ato të marrin përgjegjësi në një kohë sa më të shpejtë dhe të kene besueshmëri dhe mbështetje maksimale.”
(M.Q/Faxweb)
