Policia e Fierit ka zbardhur dhe dokumentuar vjedhjen e 1 karburanti dhe tentativën për vjedhje të 2 karburanteve të tjerë.
Policia ka ndaluar një prej autoreve Anna Malaj, 31 vjeçe, banuese në fshatin Visokë, e cila në bashkëpunim me E.G, 22 vjeç, banues në fshatin Belinë, Patos nën kërcënimin e armës kanë vjedhur një pikë karburanti.
Të dy këta shtetas( Kushërinjë), nën kërcënimin e armës, në datën 02.07.2018, në Levan, kanë vjedhur një pikë karburanti ku kanë marrë shumën prej 30000 lekësh të reja.
Sekuestrohet arma me të cilën autorët nën kërcënimin e saj kryenin vjedhjet.
Specialistët e Seksionit për Hetimin e Krimeve kundër pronës dhe pasurisë në Drejtorinë Vendore të Policisë Fier, falë punës operative e hetimore të mirëorganizuar, bënë të mundur zbardhjen e tre ngjarjeve të ndodhura këtë muaj në Qarkun e Fierit ku dy persona nën kërcënimin e armës, gjatë orëve të vona të natës shkonin për të vjedhur pika të ndryshme karburantesh.
Gjithashtu u referuan materialet në Prokurorinë pranë Gjykatës së Shkallës së Parë Fier dhe po punohet për kapjen e shtetasit:
- E.G, 22 vjeç, banues në fshatin Belinë, Patos.
Në datën 07.07.2018, në Mallakastër, nën kërcënimin e armës kanë tentuar të vjedhin një pikë karburanti por pasi janë ndeshur me punonjësin e karburantit, janë larguar.
Në datën 15.07.2018, në lagjen “1 Maji” Fier, në bashkëpunim, duke kërcënuar me armë gjahu teke, kanë tentuar të vjedhin një tjetër pikë karburanti.
U sekuestruan në cilësinë e provës materiale:
- Automjeti me të cilën shkonin në vendngjarje.
- 1 armë gjahu teke dhe 6 fishekë.
- 1 palë doreza dhe 4 targa mjeti të falsifikuara.
Materialet i kaluan Prokurorisë pranë Gjykatës së Shkallës së Parë Fier për veprat penale “Vjedhja me armë”, e kryer në bashkëpunim e mbetur në tentativë” dhe “Prodhimi dhe mbajtja pa leje e armëve dhe municionit luftarak” parashikuar nga Nenet 140, 22, 25, dhe 278 të Kodit Penal.
Discussion about this post