Fier/ Nuk i bindet urdhërit të policisë, arrestohet 37-vjeçari me një shumë të madhe eurosh në makinë

Policia e Fierit ka arrestuar një 37 vjeçar me iniciale K.B pasi nuk i është bindur urdhërit të policisë për të ndaluar.

Patrulla e policisë e ka ndjekur dhe pasi e ka ndaluar në mjet i janë gjendur dhe i sekuestruar 30450 euro.

Nga Specialistët për Hetimin e Krimit Ekonomik e Financiar në Drejtorinë Vendore të Policisë Fier, u procedua penalisht shtetasi:

Në datën 21.07.2018, në lagjen “1 Maji” Fier, në vendin e quajtur “Rotondo e Kryqëzimit të Parkut”, duke drejtuar mjetin tip “Benz”, nuk i është bindur urdhërit të punonjësve të policisë në pikë kontrolli dhe mbasi është ndjekur e ndaluar nga shërbimet e policisë, iu gjetën e sekuestruan në cilësinë e provës materiale 30450 euro, për të cilat nuk dha shpjegim për origjinën e tyre.

Materialet i kaluan Prokurorisë pranë Gjykatës së Shkallës së Parë Fier për veprat penale “Pastrimi i produkteve të veprës penale” dhe “Mosbindja ndaj urdhërit të punonjësit të policisë së rendit publik” parashikuar nga Nenet 287 e 242 të Kodit Penal.