Pamje të rënda, në kërkim të kufomave të zjarrit. Ç’ndodh në Greqi pas flakëve që u morën jetën dhjetra njerëzve

Pamjet e mëposhtme janë vërtet të rënda, që tregojnë situatën reale të asaj që ka ndodhur në Greqi, pas zjarrit që i mori jetën dhjetra njerëzve.

Njerëzit kërkojnë për viktimat e këtij zjarri të tmershëm që mori jetën e më shumë se 60 personave.

Nga të dhënat e para raportohet edhe për shqiptarë mes personave të vdekur, ndërsa disa prej tyre kanë përfunduar në spital nga asfiksia.

Ndërkohë që ende nuk ka ende asnjë emër të bërë publik për viktimat, pasi për shkak të shkrumbimit nga flakët bëhet edhe më e vështirë identifikimi i tyre.

Kryeministri grek Alexis Tsipras pas mbledhjes urgjente që pati në orën 12:00 të mesditës me disa ministra, iu drejtua qytetarëve grek në një fjalim televiziv.

Tsipras shpalli zi kombëtare 3-ditore për viktimat e zjarrit të frikshëm në resortin e Attikës shumë pranë kryeqytetit grek, Athinës.

Ai shprehu respektin e tij të thellë dhe njohu përpjekjet e zjarrfikësve, marinës, vullnetarëve dhe të gjithë atyre që morën pjesë në operacionet e shpëtimit.

Kryeministri e bëri të qartë se “asgjë dhe askush nuk do të harrohet. Asgjë nuk do të mbetet pa përgjigje”.

(E.K/FAXWEB.AL)