Tiranë, po peshkonte me vëllezërit, mbytet 19 vjeçari në lumin e Brarit

Një 19 vjeçar është mbytur sot në lumin e Brarit në Tiranë. Mësohet se 19 vjeçari po peshkonte së bashku me dy vëllezërit. Siç raporton policia, ai është rrëmbyer nga rrjedha e lumit dhe për pasojë ka humbur jetën.

Njoftimi i policisë

Më datë 25.07.2018, rreth orës 18:15, shtetasi R. Y., 19 vjeç, gjatë kohës që ka qenë duke peshkuar së bashku me dy vëllezërit e tij, në lumin e “Brarit”, është marrë nga rrjedha e ujit të lumit ku për pasojë dhe është mbytur. Në vendngjarje janë shërbimet e Policisë, si dhe janë njoftuar Polumbarët e Reneas për gjetjen e trupit.

(J.D/Faxweb)