“Herceptina është marrë nga çdo pacient”, reagon sërish Pampuri: Mos u përdorni si majoneta të qeverisë

Deputetja e PD Orjola Pampuri ka denoncuar sot mungesën e herceptinës në spitalin onkologjik, një ndër kimiopreparatet më të rëndësishme për pacientët që vuajnë nga kanceri, sidomos për zonjat me kancer gjiri.

Pas kësaj deklarate ka ardhur një reagim zyrtar nga mjekët e qendrës spitalore. Në një deklaratë për mediat, mjekët kanë mohuar mungesën e këtij herceptinës dhe kanë siguruar se të gjithë pacientët e kanë marrë falas këtë kimiopreparat.

Ndërkohë që deputetja e PD-së Orjola Pampuri ka reaguar sërish duke u shprehur që të paktën brenda profesionalizmit të mos përtdoren si marioneta të interesave të qeverisë.

Pampuri akuzoi Kryeministrin Rama për mashtrim dhe evidentoi faktin që kimiopreparatet mungojnë ose vijnë në sasi shumë të vogla duke rrezikuar kështu seriozisht jetën e pacientëve.

Postimi i plotë

Nese do na kishte mbetur pak ndergjegje te pakten brenda profesionalizmit te mos perdoremi si marioneta te interesave te qeverise. Nuk mund te bejme te cuditurin apo te habiturin per te permbushur kenaqesite e bastisesve te ketij vendi.
Te pakten duhet te pranojme qe brenda deklarates se mungeses se herceptines ka gjithcka te vertete pasi pacientet e pohojne dicka te tille, dhe kesaj smund t’i shmanget askush nga specialistet.
Herceptina vjen ne nje mase te caktuar, larg mases se nevojave te pacienteve me kancer gjiri edhe kete se mohojne dot profesionistet.
Kryeministri premtoi qe herceptina do te jete nder barnat e rimbursueshme, ne fakt ajo jo vetem qe nuk eshte, por mbetet ne regjistrin e barnave te farmacise se QSUT, sikurse dhe kimiopreparatet e tjere.
Fakti qe nuk ka buxhet per te permbushur nevojat e ketyre pacienteve nuk duhet t’ju indinjoje ju, por qeverine e nese beheni pale me te atehere jeni dhe ju po aq bashkefajtore, por kjo ne kurriz te shendetit te qytetareve.
Ju e dini mire qe shume paciente detyrohen ta blejne herceptinen, te tjere e bejne kuren jashte Shqiperie e te tjere mundohen te njohin dike qe te jene ne liste per ta perftuar.
Nuk mbuloni dot zullumet e qeverise qe kerkoni te mbeshtesni

Pas deklaratës së deputetes demokrate, Orjola Pampuri e cila në një dalje për mediat nga oborri i QSUT-së, akuzoi se ka mungesë të kiomiopreparatit, ka ardhur një reagim zyrtar nga mjekët e qendrës spitalore. Në një deklaratë për mediat, mjekët kanë mohuar mungesën e këtij herceptinës dhe kanë siguruar se të gjithë pacientët e kanë marrë falas këtë kimiopreparat.