Kryeministri Edi Rama i pranishëm në Akademinë Verore të FRESSH në Jalë në një bisedim me të rinjtë u ndal tek zgjedhjet për kryetar bashkie që pritet të mbahen vitin e ardhshëm, ndërsa pohoi se PS do të zbatojë sërish kuotat gjinore.
Ndërkohë që duke u ndalur te vlerësimi për punën e bashkive që drejtohen nga socialistët, Rama u shpreh se Bashkia më e madhe në vend, ajo e Tiranës po ecën në rrugën e duhur.
“Angazhimi i të rinjve në fushatën e ardhme, në këshilla, ka qenë gjithmonë. Që të përfshihen edhe të rinj në Këshilla Bashkiakë. Nuk bëhet me kuota, por është diçka që ne e kemi në traditën tonë dhe e bëjmë çdo vit, ndaj do e bëjmë dhe vitin e ardhshëm. Kurse mua s’më ka shqetësuar asnjëherë raporti të rinj të vjetër. Më ka shqetësuar që në PS të ketë një raport të drejtë mes djemve dhe vajzave, burrave dhe grave. Për herë të parë kemi pasur një këshill bashkiak me kuota gjinore. Më pas vendosëm këtë kush në PS. Në vitin e ardhshëm do të kemi 50-50 burra e gra. Tirana është në rrugën e duhur dhe aty po bëhet maksimumi. Edhe në bashki të tjerë unë mendoj se po bëhet një punë e madhe. Po bëhet një punë goxha sistematike dhe po bëhen punët me radhë. Shteti, Shqipëria u bë si Bathorja, një këtu dhe një atje kisoka, lavazhe, kemi akoma shumë punë për të pastruar këtë trashëgimi.”
(M.Q/Faxweb)
