8 të vrarët në Selenicë, Braçe nxjerr videon: Lulzim ndaje mendjen, je me armën…

Në një kohë kur masakra e Selenicës me 8 të vrarë ka trondituar të gjithë vendin, nuk kanë munguar sulmet politike.

Deputeti i PS-së Erion Braçe përmes një postimi në rrjetet sociale bën thirrje për aksion çarmatimi. Ndërkohë në vëmendje ka risjellë edhe deklaratën e ish-Kryeministrit Sali Berisha, i cili në 2016, bënte thirrje për armatosje të popullsisë nga foltorja e parlamentit, duke vlerësuar se situata ishte e pasigurt.

Braçe thotë se Berisha, arritjen e qëllimit dhe imponimin e zgjidhjeve e bën përmes armëve. Nga ana tjetër ai i drejtohet Bashës “Lulezim ndaje mendjen; Je me armen si ky ketu, apo kunder saj si pjesa me e madhe e shqiptareve”.

Braçe thotë se Shqipëria duhet të pastrohet nga armët edhe nëse burgjet mbushen plot.

TE ARMAAATOOOOSEN! TE ARMAAATOOOOSEN! Pa me te voglin diskutim, vrasja ne seri e 8 qytetareve dje, mes tyre gra dhe femije, eshte nje nga dramat e shumta qe detyrohet te pranoje ky vend! Prej vitit 1997, ato jane makabre dhe shume te dhimbshme! Kurre, po kurre, su ndal kush te analizoje, marre pergjegjesi e vendose; te tregoje rrugen se si ky vend CARMATOOOOSET! CARMATOOOOSET! Ka ardhur koha qe ne te zhbejme kulturen e armes, komunikimin permes saj, zgjidhjet duke perdorur armet! Eshte e veshtire, e di; Ka njerez si ky qe e kane zgjatim armen, por duhet te vendosim tani, duke ashpersuar ligjin, zbatuar pa asnje dallim kudo, ne rruge, shtepi, makine, brez, per cilindo te marre apo te pergjegjshem te unifikojme politiken penale kunder tyre, secilit prej tyre! Pa meshire! Le te mbushen burgjet plot me keta, ama do pastrohen rruget, lagjet, shtepite, baret e restorantet, plazhet, nga soji i ketyre qe rrembejne nje status prej armes, komunikojne me arme, zgjidhin hatrin apo hallin, hakun apo gjakun-sipas gjuhes se tyre, me arme! Duhet ti largohemi menjehere ketij primitivizmi barbar! Te bejme shtetin te funksionoje i vendosur per ne, kunder cdo arme; gojes si arme gjithashtu! Sepse arma ka goje, po po ka gojen e saj! Keshtu e pati gojen ne 1997-ten kur u hapen qellimisht depot; Keshtu e pati gojen ne 1998-ten kur pushteti duhej marre me arme; Keshtu u shqye goja ne 2011-ten kur me armet e shtetit u vrane kater qytetare te pafajshem ne mes te bulevardit; Kjo goje ishte- sic e degjoni, vetem nje vit e pak me pare, perseri e pa fund me nje qellim te vetem: komunikimin me arme, arritjen e qellimit dhe imponimin e zgjidhjeve permes armeve! Shteti te bej te veten-te zbatoje me vendosmeri ligjin; Ne te bejme tonen-te zhbejme kulturen e armes mes nesh! vo: do respektoja heshtjen sikur te mos kisha lexuar nje budalla si ai qe drejton opoziten qe ne vend te problemit, adreson hallin e tij te vetem: pushtetin; Lulezim ndaje mendjen; Je me armen si ky ketu, apo kunder saj si pjesa me e madhe e shqiptareve!

A post shared by Erjon Brace (@erionbrace) on Aug 11, 2018 at 8:43am PDT

(B.H/Faxweb)