Janë sjellë para drejtësisë, anëtarët e bandës së hajdutëve të cilët plaçkitën disa apartamente në Piacenza, Podenzano dhe Rivergaro gjatë viteve 2015-2017. Një bandë profesionistësh e shkatërruar nga policia italiane gjatë muajit mars. Policia gjatë hetimi i kishte cilësuar profesionistë për faktin që dinin të leviznin pa rënë fare në sy, me celularë të fikur, ndërrime makinash madje edhe me njëri tjetrin komunikonin me radio marrëse.
Siç shkruajnë mediat italiane kreu i bandës, quhej Drakula ndërsa anëtarët e tjerë vampirë. Drakula është i identifikuar si shtetasi shqiptar, Avram Shkëlzen 33 vjeç, me shumë preçedentë penalë.
Banda me 10 anëtarë kishte arritur “të pastronte” disa shtëpi nga bizhuteritë, pikturat, paratë dhe çdo gjë tjetër me vlerë. Të përfshirë në bandë ishin dy shtetas italiane, një rumun dhe 7 shqiptarë. Gjashtë prej tyre janë lënë në burg që në momentin e arrestimit, dy persona me arrest shtëpie ndërsa dy italianët të cilët gjenin magazinat për mallin e vjedhur janë proçeduar penalisht.
Përpara trupës gjykues 8 prej tyre kanë kërkuar të përfitojnë një gjykim të shkurtuar, e cila është kundërshtuar nga prokurori i çështjes Antonio Colonna. Vetëm dy anëtarët e bandës të arrestuar në flagrancë do t’i duhet të përballen me akuzën e vjedhjeve të rënda, ndërsa të tjerët duhet të presin seancën tjetër të gjygjit që do të zhvillohet në tetor.
(J.D/Faxweb.al)
