Bashkia e Fierit ka dhënë sot një certifikatë mirënjohje për Ardimir Muratajn që shpëtoj dy vajzat e mitura që do mbyste e ëma në lumin Seman pak ditë më parë.
Sipas burimeve nga bashkia, të riut i janë kërkuar dokumentacionet përkatëse dhe së shpejti mund të nisë punë si elektricist.
Gjate intervistës së dhënë dje për Fax news Ardimir Murataj u shpreh se nuk kishte marrë asnjë mesazh falenderimi nga drejtuesit e institucioneve, dhe mesa duket reflektimi ka ardhur.
I riu tregoi po ashtu për gazetarin Edmond Hoxhaj, se edhe pse kishte mbaruar një kurs dy vjeçar si elektricist, nuk kishte arritur të gjente dot një vend pune.
Ndërkohë lidhur me momentin kur shpëtoi dy motrat nga duart e të ëmës Rudina Kishta, i riu tregoi vështirësitë që kishte hasur, pasi vetë e ëma kishte qenë në një gjendje të rënduar psikologjike.
‘’Unë kam qenë këtu për të shtyrë kohën dhe të peshkoja, ishte koha 7 e gjys e pasdites dhe u bëra gati për të ikur në shtëpi. Gruaja kaloi rrugën dhe u fut në ujë me njërën prej tyre.
Unë vrapoj dhe i heq njërën nga vajzat nga duart, e cila ishte gysmë e gjallë. Më pas njërën nga vajzat i kishte zhytur kokën dhe e mbante prej mesi. Jam futur me not, dhe i kam bërë frymëmarrje artificiale.
Vetë nënën e mori rrjedha e lumit, dhe u fut një qytetar tjetër për ta shpëtuar. Tentoi që të na i merrte vajzat sërish dhe ti mbyste me duar, të njëjtën gjë bëri dhe kur erdhi policia.
Thoshte që nuk kishim punë se ishin fëmijët e saj. Vajzat vetëm qanin, ndërsa e ëma gjuante me gurë dhe me grushta”, u shpreh dje Murataj për Fax News.
Për rastin e Muratajt ka pasur një sensibilizim të madh në rrjetet sociale, ku të gjithë e cilësonin heroik gjestin e tij.
(E.K/FAXWEB.AL)
