Presidenti i Kukësit, Safet Gjici, në një prononcim në faqen zyrtare të klubit, bën një thirrje të fortë që Policia e Shtetit të kthehet të ruajë sigurinë publike në stadiume, pasi ato private nuk janë në gjendje ta bëjnë, përkundrazi duhet bllokuar kampionati.
Sipas tij në muajt në vazhdim rivaliteti mes tifozëve do të jetë edhe më I madh dhe do të ketë edhe më shumë probleme dhe incidente.
Ai u ka bërë thirrje të gjithë presidentëve të klubeve që të bllokojnë kampinatin nëse nuk kthehet në stadium policia e shtetit për të ruajtur sigurinë.
Gjici thotë se në Shqipëri nuk janë pjekur akoma kushtet ku tifozeria është e ndergjegjësuar që ne të arrijmë të marrim përsipër sigurinë e stadiumeve me Polici Private.
“Unë e kam thënë që në fillim se siguria në stadiume nuk bëhet me Polici Private. Në Shqipëri nuk janë pjekur akoma kushtet ku tifozeria është e ndergjegjësuar që ne të arrijmë të marrim përsipër sigurinë e stadiumeve me Polici Private. Zgjidhja është që të rikthehet Policia e Shtetit në stadiume për të sigurar rëndin. Futbolli është një sport masiv dhe duke qënë i tillë ka tifoza të ndryshëm. Në fillime kemi pasur shumë tifoza në Kukës që vinin e thyenin stolat dhe policia i shoqëtonte për dy orë në Komisariat pastaj i lironte. Kur do të luajnë ekipet që janē rivale si Kukësi-Partizani ose Partizani- Korça do të kemi përsëri probleme të mëdha në sigurinë e stadiumeve. Unë jam i mendimit që të gjithë Presidentet e klubeve të Superliges si dhe ato të Kategorisë së Parë të bllokojmë Kampionatin nëse Policia e Shtetit nuk na mundëson dot sigurinë në stadiume, pasi Policia Private nuk është e përgatitur për turma masive. Kur të kalojnë 2 muaj Kampionat do të shtohet rivaliteti mes tifozëve , prandaj unë i bëj thirrje gjithë Presidentëve që bllokojmë Kampionatin në rast se Policia e Shtetit nuk merr masa për sigurinë në stadiume”- u shpreh Z. Gjici. (B.H/Faxweb)
Discussion about this post