Ina Zhupa zëdhënëse e Partisë Demokratike e ftuar në studion e Faxnews, ka zbuluar edhe planin e përgjithshëm të Bashkisë së Tiranës, ku është edhe parashikuar ndërtimi i kullave në zonën e Gardës.
“Arritëm të zbulonim me një grup pune që në planin e përgjithshëm të qytetit të Tiranës, është parashikuar, në zonën e Gardës ndërtimi i kullave. Problemi nuk është në zonat në të cilat ndërtohen, por problemi është te ajri, problemi i kullave është që ne aty do të hedhim mijëra tonelata beton, arrijmë të shkatërrojmë pemët.
Ne rastin e Teatrit do të shkatërrojmë pasurinë kulturore të Tiranës. Duhet të kemi parqe të jenë të aksesueshme për njerëzit jo mashtrime. Edhe me numrin e pemëve të mbjella në Bashkinë e Tiranës mashtrohet, ndërkohë që janë 22 mijë këta thuajnë se janë 300 mijë.
Jemi në një situatë që do të shkatërrojmë pyjet, pronën publike që të pasurohen disa njerëz me ndërtimin e kullave, atje ku edhe përfitimi është më i lartë. Nuk është shtuar asgjë nga korsitë e makinave, janë thjesht disa ngjyrosje. Unë do isha shumë pro korsive të biçikletave nëse do shtoheshin rrugë dhe jo që të shtohej një kaos në Tiranë që të kemi ca kunja të kuqe.
Ne sot në qytetin e Tiranës, larg qoftë të kemi një hall edhe në pikun e gushtit ku nuk kemi shkolla dhe universitete ka një trafik të madh. Në vitin 2015 ka pasur vetëm 19 leje të reja ndërtimi ndërsa në tremujorin e dytë Tirana ka ende stoqe të pashitura shtëpish që bëhet me qëllim pastrimin e parave të pista”, u shpreh Zhupa në Faxnews.
Discussion about this post