Presidenti i Republikës, Ilir Meta ka reaguar pas sulmit me armë në banesën e prindërve të e gazetares Klodiana Lala.
Meta është shprehur se denon ashpër sulmin ndaj saj, duke theksuar se përmes një bisede telefonike me gazetaren ka shprehur solidaritet të plotë. Si dhe ka inkurajuar të vijojë në misionin e saj pa u trembur nga kjo ngjarje.
“Po kështu inkurajoj organet e sundimit të ligjit të hetojnë në mënyrë të plotë dhe shteruese, këtë ngjarje të rëndë, e të venë para ligjit këdo që qëndron pas saj.
Liria e medias është kusht i pazëvendësueshëm për garantimin e të drejtave të njeriut në një shoqëri demokratike”, ka nënvizuar Meta.
(E.V/Faxweb.al)
