Pas deklaratës së liderit të serbëve të Bosnjës Milorad Dodik se ministri i Jashtëm i Kosovës dhe delegacioni i tij nuk janë të mirëpritur në Bosnjë, Behgjet Pacolli ka anuluar pjesëmarrjen në takimin e ministrave të punëve të jashtme të vendeve anëtare të procesit të bashkëpunimit në Evropën Juglindore.
Njoftimin e ka dhënë vetë Pacolli përmes një postimi në ‘Facebook’ ku shkruan se me politikanë të tillë nuk ecet përpara.
Postimi i Pacollit:
Sapo kam anuluar pjesëmarrjen time në takimin e Ministrave të Punëve të Jashtme të vendeve anëtare të Procesit të bashkëpunimit në Evropën Juglindore për shkak të këcënimeve nga Presidenti i Repulikës serbe të Bosnje dhe Hercegovinës, Miroslav Dodik, i cili sot në një intervistë për një medium ka deklaruar se unë dhe delegacioni im nuk jemi të mirëseardhur në Banja Llukë. Me politikan si Dodik rajoni nuk mund të ecën pērpara. Gjuha kërcënuese e Dodikut na kujton një të kaluar të afërt të politikanëve radikal, si ky vet dhe pasojat e këtyere kërcënimeve. Republika e Kosovës mbetet e përkushtuar drejt bashkëpunimit rajonal, ndërsa ftoj zyrtarët e BE-së, sidomos ata në Komisionin Evropian që të mos heshtin ndaj këtyre fenomeneve.
(B.H/Faxweb)
