Zvicra është një vend që njihet për espektimin e kohës me rigorozitet, por këtë herë një gjë e tillë duket se ka shkaktuar shumë debat, duke pasur parasysh rrethanat.
Një 92-vjeçare është gjobituar me 100 franga për shkak se u ngjit në autobusin e linjës 4 minuta para kohe.
Ngjarja ka ndodhur në Zyrih. E moshuara kishte një abone që e lejon të përdorë transportin publik që nga ora 9 e mëngjesit. Por konduktori ka parë se ajo është ulur në autobus në orën 8 e 56 e për këtë arsye është gjobitur.
Në rrjetet sociale kanë shpërthyer debatet pro dhe kundër vendosjes së gjobës për këtë rast.
Ndërkohë që 92-vjeçarja u ka thënë gazetarëve se ishte tepër e zemëruar, sepse mund të kishte mjaftuar thjeshtë një paralajmërim dhe se gjoba ishte e tepërt.
Një zëdhënës i kompanisë së transportit publik pranoi se në këtë rast konduktori mund të kishte bërë një përjashtim. Por nga ana tjetër duhet mbajtur një qëndrim i prerë, pasi raste të tilla do të kishin pasoja në kontrollet normale në linjat e transportit publik.
(B.H/Faxweb)
Discussion about this post