Tre persona kanë gjetur vdekjen në sheshin kryesor i kryeqytetit të Meksikës, i cili është dhe një nga atraksionet turistike më të frekuentuara.
Ata janë ekzekutuar nga tre persona të tjerë ende të paidentifikuar ë ishin të veshur si muzikantët popullorë “mariaçi”.
Pas disa vite imunitet nga dhuna e kriminalitetit që ka pllakosur Meksikën, kryeqyteti i saj ka pasur një intensifikim të vrasjeve, frenimi i të cilave do të jetë një nga problemet kryesore me të cilat do të përballet pushteti i ardhshëm lokal. Autoritetet policore kanë saktësuar se ngjarja ndodhi në sheshin Garibalti, një destinacion i njohur turistik i mbushur me bare e kafene ku këndojnë muzikantët tradicionalë.
Në momentin e sulmit viktimat ndodheshin në një restorant dhe agjentët kanë gjetur pranë tyre mbi 60 gëzhoja plumbash.
Policia fajëson për rritjen e kriminalitetit grupet e dhunshme që kërkojnë të kontrollojnë shitjen e drogës dhe gjobëvëniet.
Dhe në fakt, sheshi Garibaldi ndodhet në kufi me një nga lagjet më të dhunshme të kryeqytetit meksikan, Tepito, bastion i bandës La Union, që po kërkon të imponohet me anë të dhunës.
Discussion about this post