Arrestimet e 6 punonjësve të policisë në Kakavijë, policia prangos të shpallurin në kërkim (EMRI)

Në kuadër të operacionit të nisur në mesdite, SHÇBA ka arrestuar edhe personin e fundit te shpallur ne kërkim, Kastriot Senka, nga Fieri.

Me heret SHÇBA ka arrestuar edhe 6 punonjes policie dhe 1 shtetas, per korrupsion pasiv, shperdorim detyre dhe dhenie ndihme per kalim te paligjshëm te kufirit.

Arrestimi i tyre ka ndodhur për shpërdorim detyre dhe dhenie ndime për kalim te paligjshëm të kufirit të klandestinëve sirianë. Arrestimi ndodhi fill pas mbledhjes urgjente që zhvilloi drejtoresha e përgjithshme Aida Hajnaj.

Njoftimi i plotë:

SHÇBA arreston 6 punonjës të Policisë Kufitare për korrupsion pasiv, shpërdorim detyre dhe dhënie ndihme për kalim të paligjshëm të kufirit

Pas një hetimi disa mujor pro-aktiv me metoda speciale të hetimit, SHÇBA ka goditur veprimtarinë e paligjshme të ushtruar nga 6 punonjës policie dhe disa shtetas, në vijën e kalimit kufitar mes Shqipërisë dhe Greqisë, në zonën e Kakavijës.

Duke shpërdoruar detyrën, këta punonjës policie në kohë të ndryshme kanë lehtësuar kalimin e paligjshëm nëpërmjet vijës së gjelbër, kundrejt shpërblimit, për shtetas të ndryshëm që kanë patur probleme me lëvizjen në zonën ‘Shengen’.

Për disa muaj me rradhë, efektivë të SHÇBA kanë mbajtur nën vëzhgim, përgjuar dhe kryer veprime simuluese, për të dokumentuar veprimtarinë e paligjshme të këtyre shtetasve.

Gjykata e Rrethit gjyqësor Gjirokastër ka vendosur për këta punonjës policie, masën e sigurisë “Arrest me burg”.

Shërbimet e SHÇBA kanë arrestuar sot 7 persona:

Gentian Gjolleshi, punonjës i Policisë Kufitare Gjirokastër;

Luan Shosha, punonjës i Policisë Kufitare Gjirokastër;

Roland Gega, punonjës i Policisë Kufitare Gjirokastër;

Afrim Çomo, punonjës i Policisë Kufitare Gjirokastër;

Edmond Nikolla, punonjës i Policisë Kufitare Gjirokastër;

Fatmir Beqo, punonjës i Policisë Kufitare Gjirokastër;

Besnik Sinani, nga Fieri.