Hyrja e emigrantëve te paligjshëm në territorin shqiptar është rritur kohët e fundit me shifra të frikshme. Siç raportojnë banorët e fshatit kufitar të Vërnikut për Fax News emigrantët, nuk kalojnë në rrugën kryesore, por zgjedhin rrugën e malit, me frikën e policisë.
“Kalojnë çdo ditë emigrantë. Vijnë pijne ujë në cezmen e fshatit. Nuk kalojnë brenda në fshat por zgjedhin rrugën nga mali për të kaluar. Policia bën kontrolle çdo ditë. Do i ndihmonin me ushqime por për t’i strehuar jo sepse ndjehemi të rrezikuar”, rrëfejnë banorët.
Në fshatin Vërnik, banorët tregojnë që gjatë ditës hyjnë emigrantë të paligjshëm kryesisht palestinezë, iranianë dhe sirianë. Burime konfidenciale për Fax News zbulojnë se të paktën 345 emigrantë të paligjshëm futen në pikat kufitare, dhe nësë më parë futeshin në qendrën e azilkërkuesve në Tiranë, tani kthehen mbrapsh në vendet e tyre për shkak të mbingarkesës.
Ndërkaq policia kufitare pas mbërritjes në fshat, bën kontrolle brenda dhe rreth zonës së fshatit. Është e vështirë kapja e emigrantëve në këtë fshat sepse ata duke zgjedhur rrugën e malit mbërrijnë shpejt në qytezën e Bilishtit.
(J.D/Faxweb.al)
Discussion about this post