Detaje të reja janë zbuluar nga grabitja në Vlorë ditën e sotme ku tre persona me maska dhe të armatosur me kallash kanë marrë një çantë me para, që ndodhej brenda një furgoni të linjës Itali-Vlorë.
Pas arrestimit të dy prej autorëve dhe sekuestrimi të “Benzi-t” të vjedhur në Tiranë më të cilin u krye grabitja, policia në Vlorë ka sekuestruar një tjetër makinë.
Bëhet fjalë për një mjet tip “Audi” që është përdorur nga grabitësit pasi kanë braktisur “Benzi-n”. Makina është gjetur e braktisur në fshatin Panaja.
Në çantë ka pasur para që kanë qenë porosi të dërguara nga emigrantët, dhe kapnin shifrën e 10 mijë eurove.
Arrestimi i dy prej tre autorëve është bërë në kodrat e Panajasë. Po ashtu janë sekuestruar dhe dy armë.
(B.H/Faxweb)
Discussion about this post