Profesori dhe anëtari i lartë i Qendrës për Çështje Globale në Universitetin e Neë Yorkut, Alon Ben Meir, ka komentuar vizitën që presidenti i Republikës së Kosovës , Hashim Thaçi, po e realizon gjatë këtyre ditëve në Shtetet e Bashkuara të Amerikës në prag të Samitit të Përgjithshëm të Kombeve të Bashkuara.
Sipas tij, Thaçi mund të takohet me çdo kënd që është i rëndësishëm në SHBA, por të gjithë e dinë që ai është i korruptuar.
Presidenti i Kosovës mund të takohet me çdo kënd që e konsideron të rëndësishëm në SHBA, por të gjithë e dinë që ai është i korruptuar dhe nuk ka bërë progres në vendin e tij”, ka thënë Ben Meir,
Pas kësaj deklarate të Meir ish-kryetari i Kuvendit të Kosovës Jakup Krasniqi përmes një postimi në rrjetet sociale e ka cilësuar si “një sihariq shumë të keq për Kosovën”.
“Ky lajm që e sollën mediet tona sot, nëse është i vërtete, është sihariq shumë i keq për Kosovën! Lexojeni, nëse nuk e keni lexuar!”, shkruan ai.
Profesori amerikan thotë se Republika e Kosovës ka mbetur e izoluar shkaku i Hashim Thaçit.
“Përkundrazi, Kosova ka mbetur e izoluar, dhe pa perspektivë shkaku i tij”, ka përfunduar ai.
Ben-Meir është një ekspert për politikat dhe çështjet e Lindjes së Mesme, i specializuar në negociatat ndërkombëtare dhe zgjidhjen e konflikteve. Gjatë dy dekadave të fundit, Ben-Meir është përfshirë drejtpërdrejt në negociatat për paqe ndërmjet Izraelit dhe Arabisë Saudite. (B.H/Faxweb)
Discussion about this post