Ditën e sotme policia e Durrësit ka arrestuar në flagrancë dy punonjës të inspektoriatit tatimor dhe ka shpallur në kërkim një tjetër, pasi duke shpërdoruar detyrën kërkonin dhe ju merrnin ryshfet bizneseve gjatë inspektimit të tyre, shuma në vlera monetare që shkonin deri në 200 000 lek për çdo rast.
Përkatësisht është arrestuar në flagrancë shtetasit: Gentian Elezi, 29 vjeç, banues në Tiranë si dhe Artan Kroj 37 vjeç,banues në Tiranë.
Gjithashtu është shpallur në kërkim dhe po punohet për kapjen e shtetasit P.H. 43 vjeç.
Burime për Fax News bëjnë të ditur se këta shtetas kryenin inspektime në lëvizje, në çdo qytet, mes të mes të cilëve dhe në rajonin e Durrësit.
Nga hetimi i policisë në Durrës, janë identifikuar si “gjobvënës” në disa subjeket, kryesisht lokale dhe subjekte sezonale.
Duke përfituar nga detyra, identifikonin subjektet me probleme (si mospajisja me kupon tatimor) dhe u shkonin duke bërë kompromise nëpërmjet parave.
Rasti në të cilin janë ndaluar, janë kapur në flagrancë duke marrë para. Dyshohet edhe për persona të tjerë të përfshirë, në qendër (Tiranë).
(M.Q/Faxweb)
Discussion about this post