Kreu i PD-së, Lulzim Basha ka reaguar pas përfundimit të prokurorisë se audio përgjimi i vëllait të ministrit të Brendshëm, Fatmir Xhafaj, Agronit është montim. Përmes një postimi në Tëitter ka theksuar se prokuroria është kapur nga kryeministri Edi Rama. Basha thekson faktin që Agron Xhafaj u largua nga Shqipëria për t’i shpëtuar hetimit.
“Kush priste dicka tjetër nga prokuroria Rama-Marku-Xhafa- Prela është vetëm naiv. Agron Xhafaj që i fshihej prej 5 vitesh drejtësisë me ndihmën e vëllait, u largua me urgjencë drejt Italisë, që të mos përballej me hetimin dhe akuzat që prokuroria e kapur i quan sot montim.
Sot çdo shqiptar e kupton më qartë se kurrë pse Edi Ramës i duhej prokuroria nën komandën e tij. Me aktin e sotëm Rama i ka vënë zjarrin shtetit ligjor. Tani nuk ka mbetur rrugë tjetër për të vënë banditët para përgjegjësisë përveç rrëzimit me çdo mjet të mafias në pushtet”, shkruan Basha.
(J.D/Faxweb.al)
Discussion about this post