Një operacion brilant i nakrotrafikut ndërkombëtar është ndërmarrë nga policia e Romës në bashkëpunim me doganjerët e Monopolit, të cilët kanë arritur të zbulojnë një çift nga Shqipëria për transport të kokainës. Kontrolli i policisë arriti të vinte në pranga çiftin e sapomartuar shqiptar që vinte nga Brazili (San Paolo) teksa po ktheheshin nga muaji i mjaltit. Çifti kishte si destinacion Tiranën.
Nga pyetjet e para të policisë, gruaja ka zbuluar shtatzëninë e saj, për të shmangur kontrollet. Më pas policia duke dyshuar për sigurinë ekstreme të treguar nga bashkëshortët, e kanë konsideruar të nevojshme inspektimin e bagazhit. Gjatë hetimeve, çifti ka provuar mashtrimin e fundit për të ikur me kokainën, në mënyrë që të mëshiroheshin nga policia. Gruaja ka shfaqur gjendje të rënduar duke pretenduar një shtatzëni në rrezik. Më pas në muret e valixheve, u gjetën deri në 5 kilogramë kokainë të pastër.
Sasia e konsiderueshme e drogës së sekuestruara dhe pastërtia e kokainës, do të mundësonte grupet kriminale të vendosnin në treg mbi 100 mijë doza “pluhur të bardhë”, duke garantuar fitime me një vlerë prej më shumë se 2 milionë euro.
(J.D/Faxweb)
Discussion about this post