Policia zvicerane ka shtuar masat e sigurisë për oficerin Emiljano Nuhu. Policia zvicerane ka shtuar masat e sigurisë pasi Durim Bami ka udhëtuar jashtë Shqipërisë pak ditë më parë. Burime për ‘Fax News’ nga sistemi TIMS bëjnë me dije se Durim Bami ka dalë jashtë Shqipërisë më 6 tetor, shkruan ‘Faxweb.al’
Emiljano Nuhu kishte deklaruar se ishte larguar nga vendi pasi kishte mësuar nga rrjeti i tij informativ se Durim Bami ishte kontaktuar për eliminimin e tij.
Bami ka kaluar pikën e Morinës dhe më pas është larguar me avion nga Kosova, dyshohet drejt Zvicrës.
Policia zvicerane transferon Emiliano Nuhun në strehim të sigurtë. Më parë Emiljano Nuhu jetonte prane kampit të azilantëve. Emiljano Nuhu denoncoi dhunën ndaj Xhisiela Malokut në 26 shtator.
Në letrat për drejtuesit e policisë, Nuhu shkruante se ndihej i kërcënuar. Durim Bami u ndalua nga policia 3 javë më parë.
Ndalimi i Bamit pas një aksioni të papritur në Nikël. Pak orë pas ndalimit, Bami u lirua pa asnjë akuzë, dhe duket se kjo e ka bërë të niset drejt udhëtimit për në Zvicër.
Emiljano Nuhu kishte deklaruar se ai është kërcënuar në zyrën e tij të punës në stacionin policor të Fushë Krujës nga deputeti i PS-së Rrahman Rraja në prani të Taulant Ballës dhe kryebashkiakut të Krujës Artur Bushit.
(B.H/Faxweb)
Discussion about this post