Ka ngecur puna për vendosjen e rezonancës magnetike në repartin e neurologjisë në qendrën spitalore universitare “Nënë Tereza”. Mbi 5000 pacientë në vit rrezikojnë të mos e kryejnë rezonancën në rast të moszgjidhjes së situatës.
Firma që ka fituar tenderin denocnon në Fax News ngecjen e punimeve për shkak të mos marrëveshjeve me drejtorinë e QSUT-së. Shkak për këtë është bërë një ashensor pranë vendit ku do të instalohet rezonanca magentike.
10 ditë më parë firma “Sear Medical” është drejtuar në repartin e neurologjisë për të përshtatur terrenin për vendosjen e rezonancës e cila do të vijë në Shqipëri në muajin nëntor, por ka hasur disa probleme për vendosjen e saj.
Ashensori që bën të mundur lëvizjen e pacientëve në këtë spital nuk mund të punojë njëkohësisht me rezonancën magnetike pasi ashensori ndodhet shumë afër ambientit do të instalohet rezonanca e re.
Kjo gjë sjell krijimin e fushave magnetike në momentin kur lëviz ashensori. Lëvizja e ashensorit sjell prishjen e imazhit duke ulur cilësinë e ekzaminimeve që do të kryhen me këtë rezonancë.
Vendosja e rezonancës në këtë ambient do të sjell, kufizimin e ashensorit gjatë momentit që punon rezonanca. Firma në fjalë kërkon largimin ose ndryshimin e rezonancës me 6 metra nga ashensori apo zvëndësimin e ashensorit ekzistues me një ashensor me material antimagentike.
Për situatën e krijuar, firma i ka dërguar disa shkresa drejtorisë së QSUT-së dhe përgjigja që ka marr është së ndërhyrja për këtë ashensor duhet të bëhet nga ana e kompanisë dhe me kostot e kësaj të fundit.
Për situatën është vënë në dijeni edhe ministrja e shëndëtsisë dhe e mbrojtjes sociale si dhe kryeministri i vendit.
Rezonanca magentike pritet të vijë në Shqipëri në muajin nëntor dhe nëse nuk vendoset, rrezikon të digjet. Ata të cilët do e vuajnë më së shumti këtë situatë janë pacientët, pasi cdo ditë janë rreth 15 pacientë që kryejnë rezonancën në këtë spital.
(J.D/Faxweb.al)
Discussion about this post