Kreu i PD-së Lulzim Basha ka reaguar lidhur me paralajmërimin e AKEP për mbylljen e dhjetra portaleve online për shkak se nuk janë të regjistruara në QKB.
Sipas Bashës AKEP është polici i mendimeve të qytetarëve që përdoret nga Rama, po kreu demokrat është i bindur se ky vendim do të dështojë. Sipas Bashës qëllimi i vetëm i Ramës është që t’iu lëshojë portaleve tatimorët me qëllim që t’i shantazhojë dhe të vrasë të vërtetën.
Reagimi i Bashës:
AKEP është Policia e Mendimit në duart e Ramës për të kërcënuar lirinë e shprehjes dhe vrarë të vërtetën. Rama kërkon që mediat online të regjistrohen si biznese që t’u lëshojë tatimorët për t’i shantazhuar dhe dhunuar. Do të dështojë turpshëm, së bashku me veglat qorre në AKEP.
Vendimi i AKEP, që u bë publik ditën e djeshme ka hasur në një sërë reagimesh nga drejtuesit e medieve, një pjesë e të cilëve thonë se emri iu ishte përmendur gabimisht dhe ata operojnë të rregullt dhe të regjistruar. Nga ana tjetër një pjesë tjetër e gazetarve dhe drejtuesve thonë se vendimi i AKEP nuk është i mbështetur në asnjë bazë ligjore.
(E.K/FAXWEB.AL)
Discussion about this post