Ministri i Jashtëm i Greqisë Nikos Kotzias ka reaguar ashpër pak pasi dha dorëheqjen ditën e sotme pas akuzave ndaj tij nga ministri i Mbrojtjes Panos Kammenos, i cili e akuzoi si njeri të George Sorosit.
Kotzias ishte i pakënaqur për faktin se Tsipras nuk e mbështeti atë kundër sulmeve nga Kammenos. Në një postim në Twitter, Kotzias nuk e fsheh zhgënjimin e tij dhe flet për forcat që donin ta varrosnin.
“Ka ardhur momenti për të vendosur me kë po shkoni dhe kë po lini pas. Kryeministri dhe një numër ministrash bënë zgjedhjet e tyre dje dhe unë bëra timen.Megjithatë, është e mirë të mbani mend vargun: Kërkuan që të më varrosnin thellë, por harruan se unë jam fara.” shkruan Kotzias në Twitter.
Kammenos, i cili kryeson partinë e vogël të koalicionit qeverisës, ka kundërshtuar prej kohësh marrëveshjen e Prespës dhe ka kërcënuar të largohet nga koalicioni nëse marrëveshja vjen në parlament për ratifikim.
(M.Q/Faxweb)
Discussion about this post