Ish-kryeministri Sali Berisha, njëherësh lideri historik i së djathtës, ka reaguar ndaj deklaratave të bëra nga kryeministri Rama pas aksionit të policisë së dy ditëve më parë.
Me anë të një postimi në rrjetet sociale, Berisha shprehet se Rama i ka gënjyer sot shqiptarët, ndërsa ka renditur 3 mashtrimet.
Ai shkruan:
303 gënjeshtrat taze të Kallam Dështakut!
Të dashur miq, sot Kallam Dështaku mashtroi 303 herë shqiptarët kur me zëdhënësin e tij Geron Veliu deklaroi:
1- janë bërë këto ditë 300 arrestime, ndërkohë harroi se ky numër dje u tha prej tij 26 arrestime?????
2- Nuk ka patur dekonspirim, pra rrjedhje të informacoinit. Paçka se, sipas vet komunikatës së djeshme të policisë, nga 44 urdhër arreste vetëm 26 u ekzekutuan, të tjerët janë në kërkim.
3- Sot vet Geron Veliu tha se bosi kryesor i heroinës, Admir Hoxha është larguar në drejtim të paditur. Në njoftimet e mëparshme u tha nga narkopolicia se me këtë rrjet ishte i përfshirë edhe Lul Berisha me detyrë kalimin e drogës nga porti i Durrësit drejt Europës.
Por rezullton se për Lul Berishën, megjithëse i përfshirë në transportin e drogës, flet arresti nuk është lëshuar.
Këtij i thonë informacion me 303 bukvale taze të Kallam Dështakut. sb
(B.B/ Faxweb.al)
